التخطي إلى المحتوى الرئيسي

المشاركات

عرض المشاركات من 2011

سنة جديدة

بدات سنة جديدة ويا رب تكون جديدة بجد كل حاجة تحصل تكون جديدة وحلوة وكل من له امنية يا رب تتحققلوا انا لازلت عندي نفس الامنيات ودا دليل على ان السنة للاسف عدت من غير اي تغيير لسة زي ما انا بس الحمد لله كسبت ناس زي ما خسرت ناس المهم يا رب تكون 2012 سنة سعيدة علكم كلكوا ان شاء الله happy new year :) :)

مشاعر

عجز لساني عن الكلام وقلبي ان يُصرح بمشاعره انا اعلم الان انه لا يشعر بشيء فقلبي خالي من المشاعر في هذه الفترة لا يعلم اهو في مرحلة سعادة ام حزن ام حب ام حنين ولكني اعلم ان هذا الفراغ سوف ينقلب في يوم ما فجميع الايام يوم واحد وكأن اليوم يعادة اشتاق لتغير هذه اليوميات وأضع شيء جديد في حياتي او شخص جديد فلكم اشتاق الى من يغير حياتي فانا عجزت عن ان اغيرها بنفسي كلما اقول انها قد تغيرت اعود واقول أنه كان تغيير لحظي فمتى سيأتي التغير الكلي في كل ما هو حولي نعم الان علمت يا قلبي انت تشعر بالحنين لشيء ما انا لا اعلمه ولكنك باتاكيد تعلمه فهلا اخبرتني به ارجوك

الصورة

رسمت لك صورة في خيالي وجدت الصورة ولكني لم اجد الحقيقة فعشقت الصورة وكان حلمي الوحيد ان اجد صاحب الصورة وعندما فقدت الامل قررت ان أخلص حبي لهذه الصورة وكانت هي كل حياتي الى ان وجدته نعم انت صاحب الصورة انت هو حياتي الحقيقية والان ساخلص حبي للحقيقة (مجرد خاطرة وليست حقيقة )

خمس دقائق

خمس دقائق كانت كافية لاشعر بمشاعر هزت كياني جعلتني اسهر الليالي واستمع الى الموسيقة الرومانسية قلبت حياتي من جهد وعمل الى حياة مليئة بالرومانسية والفرحة خمس دقائق رايت فيها عيناك تقول لي الكثير والكثير من الكلام علمت فيها ان قلبي لن يتوقف عن النبض وان حياتي لن تخل من الحب واني ساعيش في الجنة لا اعلم اسمك ولا عمرك ولا مكانك ولكني اعلم اني احببتك في خمس دقائق فخمس دقائق فقط كانت تكفيني لاجد فيها فارس احلامي

لماذا احبك؟؟

عندما احببتك كنت شخصا مختلفا فعشقت فيك ابتسامتك وهويت كلامك واحببت لقائك ولكني لا اعلم لماذا بعد مرور الايام تغيرت تجاهي فبدات اكره ابتسامتك واتجنب كلامك وابتعد عن لقائك ولكني ما زلت احبك ف لماذا احبك ؟؟؟؟؟؟؟؟؟
كل سنة وانتوا طيبين وعيد سعيد ان شاء الله عليكمم وعلى المسلمين اجمعين

لعبة

جميل انك تبيع انسان صح جميل اوي انك تتعامل مع مشاعر الانسان على انها مجرد لعبة عايز تعيش جو طفولي شوية عادي اختار اي حد ومثل عليه ولما تزهق ابقى وجهو بالحقيق او مش لازم توجهو انت سيبو وامشي او في حل تالت لو عايز تكمل لعب ممكن تشوف غيرو وقلو نفس الكلا المكنتش بتقولوا غير للعبة الاولى وفي كل الاحوال كل الطرق بتجرح وهية دي اللعبة الكل الناس بتلعبها نفسي اوي العبها لكن للاسف كل النفسي العبها معاهم لعبوها قبلي وخلاص مفيش حاجة جديدة ممكن اعملها احسن انا بجد تعبت من كتر ما الناس بتعاملني على اني لعبة وكمان رخيصة يوم ما يعوزوني اكون معاهم واما يلاقوا غيري يسبوني ولما يرجعوا بسامح بقول يمكن حسوا بقمتي ورجعوا ويروحوا تاني واقول ان الغلط عندي لاني صدقتهم من الاول هتقولولي مش كل الناس كدة انا عرفة بس للاسف الناس المش كدة مش عرفة اوصلهم انا عرفة انهم بعدوا غصب عنهم بس عرفة كمان ان كل الحوليا دلواتي ناس انا مش عيزاهم بس مضطرة اعيش معاهم عشان اكون قدام الناس مش لوحد بس الحقيقة اني لوحدي

يا من لا اعرفة

احبك يامن سكنت فلبي بلا موعد وشغلت تفكيري دوما فانت دائما ببالي ولكن اخاف الا اكون في بالك انت من سيجعل حياتي نورا وتضئ ليا دروبي وتعطيني السعادة التي اراها في احلامي فانت دائما ما كنت تاتيني في منامي وتروي لي عن مستقبلا فلكم اشتاق الى هذا المستقبل ولكم اشتاق الى صانع هذا المستفبل فمتى ستاتي يا من لا اعلمه

احبكم في الله

العمر بيعدي بسرعة اوي زي انهردة من 3 سنين اكتشفت اجمل مكان في حياتي اتعرفت فيه على ناس كانوا بيشيلوا عني الهموم ناس كنت في فترة من عمري معرفش غيرهم معرفهمش شخصيا بس قرات كلامهم وعرفت تفكيرهم في عقل رومنسي وعقل حبيب وعقل فاهم الدنيا وعقل كبير وعقل طفولي في ناس منهم راحوا الدنيا اخدتهم مننا وناس كان نفسي بجد اتعرف عليهم شخصيا http://a7iab7obk.blogspot.com/ http://reemmoo.blogspot.com/ http://belhob.blogspot.com/ http://ash3arsaso.blogspot.com/ http://bahesanhob.blogspot.com/ http://paabe.blogspot.com/ http://alsaherlove.blogspot.com/ http://httpjaedacom.blogspot.com/ http://mohghalia.blogspot.com/ http://shams-elnahar.blogspot.com/ http://jokes-egyptian.blogspot.com/ http://freeecpl.blogspot.com/ دول ناس غليين على قلبي ومعلش لو نسيت حد بس اكيد هيكون غصب عني

احبهم

كل واحد عندو ناس ربنا بيعوضوا بيهم عن حد تاني السنة خلصت والاجازة خلصت والدراسة هتبدا كتير اوي كنت بعاني اني معنديش اخت واني بنت وحيدة واني مش عرفة اعمل اصحاب يكونوا ليا اخوات بس بجد الاجازة دي كانت مختلفة مش زي اي يوم مختلف قبل كدة ولا زي اجمل يوم في حياتي لا دي بجد كانت مختلفة لاني فعلا ربنا عوضني عن الاخت باربعة تنيين الاولى :اختي الكبيرة العاقلة البتفهم كل حاجة والثانية :اختي الهادية وشمسي المنورة البتكملني في كل حاجة والثالثة :اختي البيست فريند بتعتي عيشة معايا علاطول وبتلحقني وقت الزنقة والخيرة بقى :اختي الصغيرة الدلوعة ونفسي بجد نفضل كدة ديما بس للاسف الظروف هتتغير ومحدش يعرف السنة الجديدة فيها ايه بس احب اقولهم كلهم اني بحبهم بحد مش زي ما كنت بحكلهم عن حبي لناس تنيين

اوعدوني

لفيت كتير خفت المصير اللى انتهاله ناس كتير القاه انا فى الدنيا ليه دايما نهايه محزنه جوايا خوف ... من كلمه الظروف تبقى طريق ... للوحده تذلنا اوعدونى ... تبقوا جنبى تطمنونى اوعدونى ... مهما كان مش هتسيبونى يوم ما اروح ... والدنيا تدراينى والوحده تنادينى ... زورونى مره كل عيد اشوفكوا حتى من بعيد اوعدونى لو يوم لقيت ... نفسى انحنيت واحتجت من ضعفى بلاش تتأخروا الناس تغيب ... بس انتو لازم تفضلوا خايف اكون ... فى الدنيا وحيد عمرى يهون ... اضيع وانتو بعيد اوعدونى ..

يا رب

بدات العشر الاواخر وبدا العد التنازلي لنهاية الشهر بس انا مديقة جدا لاني معملتش اي حاجة خالص وحسة اني مضغوطة ومش قدرة اعمل حاجة ربنا يعنا يا رب على الايام الباقية يا رب سامحني وسامح الامة المسلمة كلها
كل سنة وانتوا طيبين رمضان جه بس السنة دي بالنسبالي مختلف لاني بقضيه في مصر ولاول مرة وده يبقة تاني رمضان نقضيه من غير بابا الله يرحمه عيزة بقى افكركوا ازاي الواحد ممكن يستفيد من وقت الصيام ربنا يتقبل صيامنا وقيامنا ان شاء الله

اخيرا

الحمد لله سفرت مصر اخيرا والله كانت وحشاني جدا والناس الفيها وحشني جدا كنت مستنية اليوم ده من ساعت ما خلصت واخيرا جه يا رب تكون اجازة سعيد نفسي اروح التحرير اوي بصراحة مفيش حاجة غير ان بجد مبسوطة اني سافرت

ما اجمل الحب

ما اجمل ان تعشق انسان ويصبح هو كل حياتك ما اجمل ان ترى حبك يكبر امام عينيك وتتمنى ان تعيش العمر مع هذا الحب تذوب فيه وتخلص له وتتعهد ان تجعل عمرك كله ملك لهذا الحب ما اجمل الحب الذي يخرجك من عالم الحقيقة الى عالم الخيال لتظل فيه دائما

ماذا افعل

ولا زال نفس السؤال يراودني ؟؟؟ عندما تحب شخص ما بشدة وتود ان ان تراه بشدة تفعل المستحيل من اجل ان تراه وعندما تحب شئ بشدة وتريد ان تحصل عليه تفعل المستحيل من اجل ان تحصل عليه وعندما تحتاج لشخص ما وتوده ان يكون بجوارك تفعل المستحيل حتى يظل بجوارك كل هذا يمكن الحصول عليه ولكن عندما تفتقد من قد مات فماذا تفعل حينها ؟؟؟ فماذا عسايا ان افعل حتى اراك هل اذهب اليك ؟؟؟؟ ام بوسعك ان تعود الي مرة اخرى ؟؟؟؟ .............................................................. الحمدلله النتيجة طلعة كويسة بركة دعواتكم :)

الحمد لله

والله وحشتوني جدا والمدونة وحشاني خالص انا عرفة اني مقصرة معاكوا بس كان عندي امتحانات بقالي ثلاث اسابيع الحمد لله خلصت خلاص والسنة خلصت خيرا ادعولي ان شاء الله الشهادة تكون كويسة ومنتكدش في الاجازة دي يا رب

فضفضة

ليه ديما اغلى ناس عندنا هما اكتر ناس بيجرحونا ليه ديما بنحب الناس الغلط ونشتم في الناس الصح ليه اقرب ناس لقلوبنا بنكون ابعد الناس عن تفكيرهم ليه ديما مش بنفتكر ربنا غير وقت الشدة مين الناس الي تستحق ان احنا نزعل منهم وهوة في حد اصلا يستاهل ان احنا نزعل عشانوا فين المكان الممكن نلاقي فيه اصحاب بجد ممكن نقول عليهم اجدع صحاب ليه كل ما نحب نتصدم فين نلاقي الحب الأبدي البيقولوا عليه ولا دا كدب ولا ايه طب لو منعيطش على ناس بنحبهم ممكن نعيط على مين ازاي الواجد بيكون عندوا ميت وش وازاي يعرف يظبط الوش العيزينوا قدام كل واحد ولا ليه الاستغراب مه بقى ظبطو دلوتي اسهل من ظبط القنوات الفضائية حرام بجدب حرام ولا حرام ليه هي دي الحياة هنفضل نمشي فيها لحد ما نقابل الناس الصح ويوم ما نلاقيهم نبقى احنا خلاص بقينا غلط وعمر الصح ما بيمشي مع الغلط هوة العبي فينا ولا في الحولينا ولا فمين مين ممكن نلوموا على الاحنا بقينا فيه وليه ديما بنحب نكتم جوانا ولحد امتى لحد ما ننفجر ونموت ازاي الانسان ممكن يعيش وفي حد زعلان منو يا ترى لسة في حد بيخاف على مشاعر الحوليه ولا انقرضوا مع الديناصورات والعصر الطبشيري ليه

لن انساك

رحلت الى حيث لا اعلم وتركت قلبي يصارع الظنون يقولون بانك قد تركتني ويقولون انك لم تحبني ويقولون انك قد نسيت حبنا وحار قلبي بينهم فهل بالفعل تركتني ولكن قلبي يقول بانك لازلت تذكرني لن احتار وساسمع لقلبي بانك بالتاكيد في يوم سنعود كما كنا انتظارك يقتلني ولكن حبك يحيني كنت احبك واحبك وساظل احب

لن انساك

رحلت الى حيث لا اعلم وتركت قلبي يصارع الظنون يقولون بانك قد تركتني ويقولون انك لم تحبني ويقولون انك قد نسيت حبنا وحار قلبي بينهم فهل بالفعل تركتني ولكن قلبي يقول بانك لازلت تذكرني لن احتار وساسمع لقلبي بانك بالتاكيد في يوم سنعود كما كنا انتظارك يقتلني ولكن حبك يحيني كنت احبك واحبك وساظل احب

ناس كتير

انا قلت بدل ما انا بقالي فترة بنكد عليكوا ووقت ما افرح افرح لوحدي ميصحش بردو انا الحمد لله ذكرت وربنا وفقني والنتيجة طلعت والحمد لله ربنا مضيعش تع بي هدر وجبت 93 اللهم لا حسد عيزة الهدايا بتعتي مليش دعوة .............................................................. في ناس من قلبنا قريبيين وناس حياتنا من غيرهم ولا شيء وناس نتمى ان الوقت معاهم ميعديش وناس هما عندك كل الناس وناس علموك ازااي تحب الناس وناس قلوبهم ملينة حب ليك وناس تتمنى انهم يطلبوا نجوم السما تجبهلهم وناس ممكن تضحي بحياتك عشان حياتهم وناس تتمنى لو الدنيا كلها تبقي زيهم وناس تتمنلهم كل الخير في الدني من قلبك هما نفس الناس الي بيتمنولك الخير وناس مهما اتكلمت مش هيكفيهم ربنا يخللنا الناس دي وميفرقش بين قلوبهم ابدا

اكرهك

في البداية تعلمت منك الحب الاخلاص الوفاء الكلام الطيب المساعدة كنت اخلص لك كل شيء وحاربت العالم من اجلك ولكن الان لم يبقى في قلبي سوى الكره والحقد والانانية وحب الانتقام كلها صفات انت زرعتها في قلبي لتكون انت اول متضرر مما فعلت في الامس كنت حبيبي واليوم اصبحت عدوي

الوحدة

كم هو صعب ان تشعر بانك تعيش بمفردك ولكن الاصعب ان تكون في وسط اناس ومع ذلك تشعر بالوحدة وبالاخص اذا كانوا اناس تحبهم بشدة اصعب جرح ان تجرح من اغلى شخص في قلبك فتشعر بانه لا احد له قيمة في الحياة وان العالم كله خائن فلا يمكن اعطاء القلب لاحد ولا وجود لم يقدر الحب فمن الافضل ان تعيش بمفردك حتى لا تجرح من اي شخص وسوف تعتاد على الوحدة فالامر كله مجرد تجربة وفي النهاية الوحدة هي الحل :( :( :( :(:( :( :( :( :( :( :( :( :( :( :( :( :(

بحبك يار ب

كتير بحس ان مشتاقة لحضن دافي يضمني قلب طيب اشكيلوا همي كنت اروح لكل الناس الاعرفهم عشان احكلهم اللي جوايا وقبل ما احكي حاجة بتمنعني اني اتكلم احساسي ان مش هوة ده الشخص الممكن ارتاح لما اتكلم معه بفضل شيلة في قلبي كتير واحس ان هموم الدنيا كلها على دماغي كنت بخش في حالات من الاكتئاب صعبة اوي مكنش في حد ابدا ممكن يخليني اضحك لحد فترة قريبة اوي افتكرتك وبقيت ديما بلجالك في كل حاجة انا بجد بعتذرلك اوي اني كنت نسياك ونفسي بجد تسامحني انا بحبك اوي يا رب وبجد مكسوفة جدا منك نفسي تسامحني عن اي خطا عملتوا ديما كنت بشتكي من البلاء لكن عمري ما شكرتك على اي نعمة انعمتها عليا لما بصلي بحس ان هوة دا الحضن الدافي واما ادعي بحس اني فعلا فرغت كل الجوايا واما اقرا كتابك الكريم بيوصلي الكلام اليسعدني ويفرحنا

يوم سعيد لاحيا بحبك

حاولت ادور على احتفال غريب يليق باجمل انسانة عرفتها واطيب قلب حسيتو من ساعة ما دخلت عالم التدوين انسانة بجد نفسي اتعرف عليها اكتر واقابلها عشان اهنيها بقلبها الطيب نوسع الساحة بقى لاجمل منونة في الدنيا احيا بحبك دا كدة احتفال مش قد المقام يعني بس انتي عرفة المصاريف كتير اوي ومش معايا يكفي انا بحوش من سنة عشان اعملك الاحتفال دا انا مش هبدا بالترتة غلقنا الزينة وطفينا النور وولعنا الشمع وبدانا الاحتفال الشرب الاول اهو نملة بطنهم عشان ناكل انا وانتي الترتة لوحدينا اول عصير البرتقال حبيب قلبي وعصيري المفضل نخش بقى على الاكل التورتة بقى احلا ترتة لاحلة حب happy birhtday ودي هدية بسيطة مني يا رب تعجبك نستقبل هداياكم 24 ساعة ههههههههههههههههههههههههه