شوية قهوة

 حاجات كتير بتتغير حوالينا  ناس بتروح و ناس بتيجي  والوقت يمر و الدقايق بتعدي  بين زحمة افكار و توهة  و قرارات لازم ناخدها و قرارات اخدناها  و كان الحياة عبارة عن محطة مترو  و انا واقفة اتفرج  لا عارفة انا في انهي محطة  و لا المفروض اروح انهي محطة  ويوم ما اخد قرار اني اركب القطر  ارجع تاني خوفا من القرار الغلط  ........ ......الى ان مر قطار العمر 

مين قال ان الغربة انك تبعد عن بلدك اتكلمت في الموضوع دا كتير قبل كدة ويمكن افضل اتكلم فيه لحد ما اخلص سنين الكلية وارجع وطني الام وطن الاخت وطن الاخ وطن والحبيب وطن الصديق وطن العم وطن الخال وطن كل شخص في حياتنا فهو وطن لينا انا حاسة اني فاقدة كل دول يمكن يكون في حجات منهم موجودة بس مش حاسة ان دا الوطن الانا عايزاه عايزة الوطن الكنت عايشة فيه مع بابا وماما واخواتي لما كنا بنتخانق على حجات تافهة كتير بسال نفسي لو كان حالنا فضل لما كنا مستورين بجدار حاجز قدام العالم كله وتطرأت عليه التغيرات دي كان ايه الهيحصل وطني هوة المكان العشت فيه واتعلمت فيه اخدت اخلاقي وقيمي منه عملت صداقاتي فيه قضيت فيه طفلتي ضحكت فيه من قلبي ضحكة نسيتها من زمان وكل ما ارجعها لحظات وتختفي تاني عايزة ارجع وطني لاني حاسة بغربة في بلدي وفي وسط اهلي اصبح احسن بالنسبالي اني امشي في الشارع لوحدي في وسط ناس معرفهمش ولا اني اقعد في وسط ناس عارفاهم وعارفني لان المجاملة والوش المتصنع مش بيظهر غي...

في لحظة ليل ظلامه قاتم  جوه بارد  مشتاء لحضن دافي وقلب صافي  يشيل هموم الدنيا من على كتافي  يسمعني من جواه ويحسسني بالامان  لحظة اشتياق لسنين العمر الراحوا لحظة ضحكة كانت بتطلع من القلب تهز كل هم قاتل  لحظة جنون بتخترق كل القوانين مش هاممها اي سور  لحظة اللمة الحلوة بتغني عن الدنيا  لحظة صحاب حياتي  لحظة ثقة ان بكرة احسن  لحظة هد اي احباط يهز العزم لحظة ذكريات تهون الجاي  لحظة امل ان ف بكرة امل  لحظة اب   لحظة اخ  لحظة ام   لحظة اخت  لحظة رفيق   لحظة قريب  لحظات كتير في لحظة واحدة تسلمك لقطر الحياه  تجري مع القطر وتنسي المكان  وينسوك الناس  تتهد الروابط  تنكسر العلاقات  وتتمحي ذكريات سنين ........... في لحظة  لحظات راحت  منها ممكن يرجع  تاني  وشوية  يرجع والجرح فيها  وكتير منها اخد سكة طريق بلا عودة  قلب صغير لسة مطلعش للدنيا   مكسور مجروح وحيد متغير...

اخيرا جه يوم 4/1 يااااه يوم بيجي مرة كل سنة يوم عيد ميلادي تميت 20 سنة يااااااه 20 سنة سبحان الله بس حسة اني لسة واقفة ف مكاني  نفس المكان من 7 سنبن متغيرش ولا الوقت غيره ولا المواقف غيرته ولا التغيرات الاجتماعية غيرته هوة نفس المكان نفس الاحلام نفس معاناة القلب نفس المشاكل البنشتكي منها ونفس الناس ال المشاعر متقلبة تجاههم نفس الذكريات الحلوة والمرة كل حاجة متغيرتش الوقت بيجري ولسة محلك سر الفرق ان مع كل سنة بيزيد عمري وبتزيد المسؤولية وبتزيد المشاكل ومقابل كل دا بتقل قدرة القلب على التحمل تحمل الحزن والوحدة والذكرايات المؤلمة لحد امتى هفضل ف نفس المكان ؟؟؟؟

ازاي احب شخص مش شايفني وانا مش شيفاه  موجود معايا بس مش حاسسني ومش حساه  ومع ذالك بكتب عنو كتير وبحكي عنو كتير  بحبه ومخلصه له  بتعب في بعده وقمة سعادتي في قربه  على الرغم من اني لما بكون جمبه بكون حسه ان مش هو ده الانا بكتب عنه  بغير عليه جدا وهوة مش حاسس  بعامله معاملة خاصة ومش فاهم  رسمتله صورة في خيالي بس اتغيرت  بقيت حسة ان مش دا الانسان البكتب عنه  اتغيرت مش عارفة السبب  ومرة واحدة ليه مبقتش انت الانسان الحبيته    قلبي واجعني بسببك  حسة ان في حاجة غلط في حياتي وانت السبب فيه    لازم اشيلك من جوايا ولازم تكون ليا مجرد خيال   مينفعش تكون اكبر من كدة حذروني من اني اتعلق بيك  بس انت ساعدتني اني احبك اكتر  ودلوقتي بتساعدني اني ابعد عنك  كنت حلم ولازم استغنى عنو  لان واضح ان بقى في فحياتك حجات تبعدك عني  كنت انت الحاجة الوحيدة المصبراني على الحياة دي   كنت لما بشوفك بحس اني استعدت حماسي للحياه  دلوقتي بقيت اهرب اني...

ازاي ممكن يكون في اثنين حبوا  بعض من غير ما يدوا دليل على حبهم لبعض  ازاي ممكن تفهم انه زعلان منها  من غير ما يتكلم  او يعرف انه مدايقها في حاجة من  نظرة عنها  ازاي ممكن تعرف من ملامح وشه اذا كان تعبان او مدايق  وهوة لما يشوفها يتغير حاله لمجرد انه حس انها عيانة  اتنين حبوا بعض بعنيهم وقلبهم  محدش فيهم قدم للثاني دليل يثبت انه بيحلم بيه  شخصين مكملين بعض  كل واحد بيدور على الحاجة الممكن يسعد بيها الثاني ويعملها  او يبعد عن الحاجة الممكن تجرحه  كل واحد فيهم متابع اخبار الثاني من بعيد  وبيدور على الحجات البيحبها ويحفظها  عشان يوم ما يجمعهم القدر يحققله النفسه فيه من غير ما يطلب  اثنين يوم ما يوم ما يدوروا على شركاء حياتهم مينفعهمش غير بعض  ازاي اثنين حبوا بعض كدة  ميكونوش لبعض  ازاي يفترقوا وكل واحد في اتجاه