صلاتي الغالية


انا فكرت كتير ولقيت ان في حل جميل ان يبينلنا بنحب صلاتنا اد ايه ؟
تخيلوا ان الصلاة شخص هتبعتولها رسالة
والكلام الهتكتبوا في الرسالة هيبين مدى حبكم للصلاة
انا لما فكرت وعملتها وجتبت الجواب كان هوة ده النص :
صلاتي الغالية:
حاولت على قدر استطاعتي ان احرص عليك
وبالفعر الحمد لله تمكنت من المحافظة عليها
إلى أن أصبحت جزءً من حياتي فلا أستطيع التخلي عنك.
كما أنني أجدك وسيطاً بيني وبين ربي
لذلك فإنك أهم شيء في الوجود.
فيا غاليتي ويا عماد ديني أرجو أن لا تفارقيني يوماً ولا ساعة.
قد أكون قد قصرت في حقك يوماً لكن الله يحب التوابين،
وأرجوك ألا تنزعجي مني مهما قصرت فأنت نور حياتي،
وأنت تفرقين بيني وبين الكافر.
وفي النهاية فإنني أحبك كثيراً والسلام ختام.
يلا كل واحد يحاول يعمل كدة انا فعلا الموضوع ده فرق معايا جدا

21 اللي سمعوني:

*البت المشمشية *حلوة بس شقية * يقول...

النيو لو ك الجديد حلو اوى
رمضان كريم

جنــــــــــة الله يقول...

سؤال صعب جدااا
انا عن نفسي مش حقدر اجاوب عليه
بس اللى حقوله
صلاتي يا حياتي يا وسطة بيني وبين اللى خلقني ربي ادمها نعمة عليا واحفظها من الزوال
امين يااااارب
شكرا ليكي
وكل سنة وانتى طيبة

mohamed ghalia يقول...

كل سنة وحضرتك بخير
ربنا يسعد أيامك دايما

سمكه واحده يقول...

الله يا عسل
جميله اوي
ماشاء الله عليكي
فكرتك تحفه
فعلا دي اهم حاجه في حياتنا وعماد الدين
ربنا يتقبلها مننا يارب ويعنا عليها
كل سنه وانتي طيبه وبخير
وربنا يتقبل منك رمضان يارب
نورتيني وفرحت بزيارتك

لنحيا فى اجواء الحب يقول...

ارحنا بها يابلال

ده كلام النبى كان بيشوف فى الصلاة راحة

حقيقى انتى لو حسيتى بانك مع ربنا فى عالم لوحدك حتحسى بفرق كبير

والله اجد فى صلاتى كل المتعة

دمتى مبدعة

كل عام وانتلى بخير

منى سلام مصرى دائما

المعتصم يقول...

اختى الكريمه
كل سنه وانتِ طيبه
ورمضان كريم
البوست حلو
بس مش بالكلام الواحد يبقى بيعبر عن حبه المهم العمل
يعنى انا ممكن اكون مش بصلى او مقصر فى صلواتى واكتب عنها احلى كلام
فعلشان كده الحاجه دى تبقى فى القلب
تقبلى مرورى وتحياتى
وكل سنه وانتِ طيبه وبكل خير

مسرور يقول...

سبحان الله كم هي مؤثرة كلماتك رغم بساطتها وبراءتها
والله لقد دمعت عيناي

لم اكره الصلاة يوما لكن تكاسلت عنها كثيرا لاسباب تافهة
في الحقيقة كلماتك تكشف كما قلت اما عن غباء او كفر
فنحن اما مؤمنين وندرك قيمة الصلاه
ومن الغباء ان نتركها تكاسلا
او نحن كفار بها لا نحترمها ولا نعرف لها قيمة

علينا ان نحسم الامر قبل فوات الاوان

اقول لصلاتي انت دليل صدقي وايماني
بيني وبين نفسي

شمس النهار يقول...

كل سنه وانت طيبه

hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهم علي النحو الصحيح
ورطب ألسنتنا بذكرك يا الله

آه من قلبي يقول...

بجد الفكرة حلوة أوي
طبعا فكرة جميلة زي صاحبتها
ما شاء كلامك مؤثر جدا
وعلى فكرة
كأنك بتقولي كلام من على لساني
دة نفس اللي ف قلبي ناحية صلاتي
ولو اني مكنتش بأديها باتقان
بس دلوقتي ربنا تاب علي
تحياتي

صدفة جميلة يقول...

السلام عليكم
برافو بجد
فكره جميله ان دلت دلت على شخصيه زكيه
دمتى بخير
وكل سنه وانتى بخير

romansy يقول...

ان شاء الله ربنا يهدينا
ويقوينا على الصلاه
والصيام والقيام
كل سنه وانتى طيبه
ورمضان كريم

د/ أحمد لاشين يقول...

سعدت جدا بمروري علي مدونتكم
بعد تشريفكم لنا
بس سؤال مهم فكرة رسالة للصلاة
اريد ان اعرف مصدرها
حضرتك والا قرأتيها والا ايه ؟
الموضوع كبير والفكرة جميلة ومبدعة

لي عودة مع كل تدويناتك

كلام من قلبي يقول...

د.احمد :
الحقيقة سمعت الفكرة من وحدة صحبتي قلت افدكم بيها لانها فعلا غيرت حياتي

د/ أحمد لاشين يقول...

كلام من قلبي
فعلا من قلبك
مدونة صادقة
تنم عن شخصية صادقة
ربنا يكرمك ويسعدك دائما

قلبي جواه كلام مش لقي حد يقلهولو ولقاكم انتوا احسن ناس يطلعلهم الجواه هتسمعوني ولا لأ ؟

طبعا بنسمع وهنسمع

المتنبي بيقول
انا الذي نظر الاعمي الي ادبي
واسمعت كلماتي من به صمم
فالخيل والليل والبيداء تعرفني
والسيف والرمح والقرطاس والقلم

وكلمات حضرتك اسمعتنا
وأسرتنا
وأثرت فينا

الي المزيد دائما
ويدوم التواصل بإذن الله

دموع القمر يقول...

الله

بجد جميل البوست دا

والله انت عسل خالص
احسن حاجة الواحد يبسط الامور علشان تسلك

الصلاه دى احلى حاجة فى حياة الانسان

ربى اجعلنى مقيم الصلاه ومن ذريتى ربنا وتقبل دعاء

حلو اوى الدعاء دا
قوليه كل صلاه

ونورتى المدونة
مستنية زيارتك التانية فى عالمى

ضكتور جدا يقول...

جميل
وفكرة رائعة
أنا هقول لصلاتي
( أنتي وسيلة اتصالي بربي )
ورمضان كريم

زهور الامل يقول...

كل عام وانتي بخير
مدونتك جميلة اوي وفيها براءة حلوة جدا
انتي عندك حق في كلامك
المفروض كل واحد فينا يحافظ على صلاته ويعتبرها جزء لا يتجزأ من حياته لان الصلاة دي هي عماد الدين من اقامها فقد اقام الدين ومن اهدرها فقد اهدر الدين
ربنا يقدرنا على صلاتنا يا رب

تحياتي

انت تسال والكمبيوتر يجيب يقول...

نحن اول برنامج أذاعى عن النت والمدونات ويذاع يوميا عدا الجمعه التاسعه وعشر دقائق صباحا على موجات الأذاعه الرئيسيه لمصر
نحن نطرح موضوعات الحلقات قبل اذاعتها فى مدونتنا لبعلق عليها اصحاب المدونات او غيرهم من الزائرين
ونذيع هذه الموضوعات مع التعليقات ومقتطفات من مدونات اصحابها اذا رغبوا
وبذلك نجمع لأول مره بين الأعلام التقليدى والنت
مدونتنا
http://netonradio.blogspot.com

blue-wave يقول...

فكرة رائعه بالفعل
تحياتى

mohamed ghalia يقول...

اللهم ارزقنا لذة الصلاة