كنت ..... وسابقة ..... وحيدة



انا جوايا كلام ملقتش حد اطلعهولو
ا وبصراحة تعبت من كتر الكتمة جواي
ا قلت اطلعهلكم
واليحب يسمع يسمعه والمش عايز برح ته
المهم احس اني ارتحت
حتى البنت الكنت بطلعلها الجوايا مبقتش زي الاول 
مبقتش الانسانة الممكن تسمعني وتعض معايا
على طول بقينا نتخانق
مفيش مرة نعض فيها مع بعض الا ولازم نتجانق
احنا اصلا صحبيتنا من الاول مكنتش تنفع 
لان انا شخصية وهيا شخصية تنية خالص 
وزي مقالت قبل كدة
احنا اصلا مكنش قدمنا غير بعض عشان عشان نكون اصحاب
يمكن ظرفنا كانت بتتشابه احيانا 
وبيكون عندنا نفس الهموم
بس ده ميمنعش ان ختلاف الشخصية 
ممكن يؤدي الا فروق بنا 
زمان كانت بتسمعني وتعض معايا 
ونخرج لوحدينا ونروح النادي وبتصبر عليا
لكن دلواتي اتغيرت مية وثمانين درجة 
بقت انسانة تانية 
انا نفسي في وحدة تحبني بجد 
انا مبنكرش ان هية كانت بتحبني وكانت صديقة حقيقية 
وبتعمل كل حاجة عشان خاطري 
لكن انا عيزة وحدة شخصيتها زي شخصيتي 
تفكرها زي تفكيري تحس بمشعري وتقدرها 
ومتستهونش بيها تكون رومانسية 
واهم حاجة اني اكون اختها التوام 
بجد مش مجرد صديقة 
بعنى انها تكون نسخة مني 
بس ده مستحيل يحصل 
يبقى الحل المثالي اني اعامل نفسي على اني صحبتي
نفسي حد يسمعني وينصحني يقلي الطريق الصح والطريق الغلط 
يعملني زي ما انا احب مش هيا تحب  
انا خلاص فقدت الامل اني يكون ليا صحبة بجد 
هعيش عمري وحيدة ومليش اصحاب بجد 
بكون مش معاهم لكن حسة اني  لوحدي
انا بمشي معاهم بس عشان مكنش مشية لوحدي 
بس بردو بيكون احساسي اني لوحدي 
ولو كان بايدي كنت مشيت لوحدي 
نفسي اي حد يديني اهتمام ايا كان الحد ده
انا بقيت مهملة من كل الناس سواء ماما ولا اخواتي ولا اصحابي او حتى الناس الفي الشارع
حتى مفيش اي حد بيحسسني اني بنت عندها مشاعر واحاسيس حتى وان كان شكلي عامل ازاي
بس انا برده انسانة وهفضل انسانة مهما كان شكلي بس للاسف محدش حاسس بكدة
تفتكروا لما اموت حد هيعبرني ولا هيعملي اي حاجة ؟؟؟؟؟؟
وبعدين انا كبحبش اكون لزقو في حد لاني محبش حد يلزق فيا
وانا معرفش ايه الجوة الناس 
بس عندي احساس انهم طالما مشيو وسابوني اني مليش لزمة
وهما ديما بيمشوا ويسبوني يعني ديما مليش لزمة

19 اللي سمعوني:

إبتسامة ملاك يقول...

بسم الله اخد اول تعليق

إبتسامة ملاك يقول...

وحشتينى ياقمر اوووووووووووووووى

يارب تكونى بألف خير

وربنا ما يحرمنيش منك ولا من مرورك الطيب

اروح اقرء وارجع بسرعه

إبتسامة ملاك يقول...

اولآ ليا تعليق بسيط على العنوان

انتى مش وحيده ولا هتكونى وحيده
انا جنبك اختك اللى بتحبك وبتعزك اوووووووووى

يبقا مش تقولى كده لازعل منك ياقمر

إبتسامة ملاك يقول...

حبيبتى

هونى على نفسك ليه بتقولى كده بنفسك بجد حزنت اووى لما قريت كلامك حسيت انك جزء منى حسيت انك بنتى واختى وحبيبتى وانا معاكى بكل وقت والله

لاذم تكون ثقتك بنفسك كبيرة يا حبيبتى ومش تقولى كده على روحك فاهمه انتى جميلة اووى

مش مهم الناس مشت ومش بت جنبك عندك ماما واخواتك واكيد فى ناس كتير بتحبك ونفسهم يعرفوكى بس انتى مش واخده بالك
ياريت مش احب اشوفك كده ضعيفه ياقلبى وخللى ثقتك برنا اكبر من اى شىء
ويمكن دا خير ليكى

احنا ما نعرفش الخير فين يمكن لما صحابتك مشو وسابوكى
دا خير ليكى صدقينى
انا معاكى اهو وجنبك بأى وقت
بجد لو احتجتى حاجه هتلاقينى والله
ربنا يسعدك واشوفك فرحانه ومبسوطه على طول

ومش عاوزه اشوفك مقصورة ولا مهزومه مهم حصل

كونى كما تحبى
خليكى قوووووووووووية
فاهمة
عشان خاطر اختك الكبيرة
والله بحبك اوووى
خلى بالك من نفسك
اختك

ايناس

إبتسامة ملاك يقول...

ابقى طمنينى عليكى

mohamed ghalia يقول...

بصى احنا ممكن نخطأ فى اختيار أصدقائنا
بس ده ميقللش ابدا من كيانا ووجودنا وقيمتنا
ده شىءوده شىء تانى
محتاجة بس تلاقى حد يفهمك بجد وساعتها هتلاقى نفسك

7annen يقول...

خدى الامر ببساطه
ربنا معاكى ويفك كربك
اهدى كدا واستعينى بالصبر والصلاه ياقمر

Pink Dreams يقول...

بصى حبيبتى


عمرنا ما هنلاقى اشخاص زينا بالظبط

اكيد هيبقى فى شويه اختلافات ولازم نستحمل بعض

لان اكيد كل واحد هيبقى فيه مميزات وعيوب

يعنى صحبتك اللى بتحكى عنها دى حاولى تصلحى من عيوبها وحاولى كمان انك تشوفى مميزاتها

طبعا دا ميمنعش انه بردو لازم يكون فيه شويه توافق فى الشخصيه عشان تقدروا تفهموا بعض

ربنا معاكى يا رب

كلام من قلبي يقول...

ابتسامة ملاك:
وانت كمان وحشاني جدا
انا والله بحبكم بس انا حاولت اكون قوية كتير معرفتش وحتى ماما واخواتي يمكن بيحبوني بس بيعملوني وحش والفيه الخير بيقدمه ربنا

كلام من قلبي يقول...

محمد غالي :
انا ديما بختار اصحابي غلط ومشكلتي اني مش لقية حد يفهمي

كلام من قلبي يقول...

حنين:
والله بدعي ربنا كتير انه يرزقني الصحبة الصالحة التحبني وتفهمني

كلام من قلبي يقول...

pePink Dreams :
انا عرفة اني مش هلاقي وحدة نسخة مني بس في عيوب ممكن تتغير وعيوب لا
انا حاولت والله كتير جدا اني اغيرها لكن مفيش فيدة ومش قدرة استحملها شخصيتنا مختلفة تماما وازوقنا وراينا وكل حاجة مفيش اي حاجة مشتركة بنا

اقصوصه يقول...

ما في شي يبقى على حاله

محد يقدر يتنبأ

بأي حال ممكن يكون بعد ساعه

مش بعد سنين

لازم يكون الانسان متفائل

ويحسن الظن بالله

ويكون على يقين

بأن الله ما عنده الى الخير

لهالسبب لازم نكون مطمأنين :)

كلام من قلبي يقول...

اقصوصة :
والله عندي حسن ظن بالله وصبرة ومستنية ان ربنا يرزقني الصحبة واللمة

blue-wave يقول...

ليه يا بنتى بس كل دا؟؟؟
انتى لسه صغيرة اوى على المود دا
ولسه ياما هاتقابلى ناس
ترتاحيلهم ويرتاحولك
ماتشوفيش الدنيا بالشكل دا
حاولى تغيرى
تخرجى
تقرى كتاب جديد
او حتى تروحى عند حد من قرايبك
المهم تغيرى المود
واوعى تستسلميله
وخلى اولا واخيرا ايمانك بربنا طبعا
هوا اللى هاينجيكى

كلام من قلبي يقول...

blue-wave
لكن السن الانة فيه ده هوة السن اللمفروض الانسان يكون صدقات وان يكون فيه حد جنبوا يحبوه ويحس بيه

blue-wave يقول...

وانتى ليه مش مكونه صداقات.؟؟؟؟

كلام من قلبي يقول...

blue-wave :
انا الحمد لله عندي صداقات كتير في المدرسة والنادي وقريبي والعمارة
بس هما مش بيحسوا بيا ومحدش فيهم فيه صفوة وحدة من الانا عيزاها

mohamed يقول...

من رأيي الوحده احسن

الناس بقت وحشه اوي

انامثلاعشت ادور على حب وحبيت و عشت للي بحبهم مش ليا وفالاخر سابوني لوحدي

اتتخدعت فكل الناس حتى اهلي

يخساره ...