اجدع صحاب




خلصنا مدرسة باقي الامتحانات

ربنا يستر عليها


عندنا شهر اعتكاف على الكتاب


ادووووووووولي ولينا كلنا ربنا يوفقنا


اخر يوم رحنا فيه بجد كان يوم جطييييير


اتبسطنا جدا وهيسنا على الاخر


بس زي ما بيقولوا الفراق وحش


هوة وحش بعقل


بجد فعلا صحابي هيوحشوني اوي اوي


على اد ما انا نفسي المدرسة تخلص


لكن مش عيزة اسيب صحابي


خيفة السنة الجية منكنش مع بعض


لان احنا مدرستنا بتفرق الصفوف كل سنة


اكتر صف فعلا حبيتوا في حياتي


كنا صف كلنا متعونين


كلنا بنحب نعض


عمري ما شفت ولا هشوف فصل زي ده ابد


بجد هيوحشوني جدا

.............

انا نزلة مصر ان شاء الله في الاجازة


بس اول مرة في حياتي بجد اكون مديقة اني نزلة مصر


حسة ان كل حاجة هناك هتكون نقصاني هسيب صوحابي


بيتنا وسريري حتى اقرب وحدة لية مش هتنزل السنة دي


حساها هتكون سنة وحشة اوي


صحيح انا مش هتاخر كلها شهر ونص بس فعلا هيقصروا فيا اوي


احساسي اني مش هشوف الناس البحبهم لمدة شهر ونص


ده احساس مديقني جدا


مخليني علا طول مش قدرة اركز


عيزة اقدي اطول وقت معاهم قبل ما اسافر


هما كمان فعلا بجد هيوحشوني اوي اوي توي

...............
انتوا كمان هتوحشوني اوي


هبعد عن الكمبيوتر لمدة شهر


مش هعرف حاجة عن الكمبيوتر ولا عن المدونات ولا عن صحابي


لا تنسونا في الدعاء


ربنا يعدي الامتحانات ده على خير يا رب

10 اللي سمعوني:

زهور الامل يقول...

ربنا يوفقك يا قمر وينجحك باذن الله
واحنا مش عايزين نجاح بس احنا عايزين نجاح وتفوق ان شاء الله

ومسئلة بعدنا عن اصحابنا دي دي حاجة حصلتلنا كلنا
تعرفي وانا في تالتة ثانوي
اخر يوم في المدرسة كان اتعس يوم في حياتي

يوميها فضلت ارجع وتعبت جدا من كتر الزعل واني هبعد عن اصحابي والناس اللي بحبهم وبقضي معاهم اجمل ايام عمري

لانها اجمل ايام بجد ومش بتتعوض تاني

بس برضو حاولت على قد ما اقدر مقطعش علاقتي بيهم ولسة لحد انهارده احنا اصحاب جدا وبنزور بعض وبنجامل بعض وبنروح لبعض في المناسبات مع اني سايباهم من 11 سنة

انتي تقدري تعملي كدة

وربنا يخليلك كل اصحابك يارب لان الاصحاب الكويسين بقوا حاجة نادرة جدا الايام دي حاولي تحافظي عليهم وتتمسكي بيهم مهما بعدت بينكم المسافات

تحياتي يا قمر وربنا ينجحك ان شاء الله ومتتاخريش علينا كتير

لـــولا وزهـــراء يقول...

ربنا يوفقك ويكرمك
ان شاء الله نبارك على النجاح عن قريب
ربنا يجعل ايامك كلها سعاده وحب وخير

مجرد فتاة يقول...

انت عارفة ان مشاعرك بتتنقلي بالعدوى
بجد كل ما تحسي بحاجة باحس بيها بعدك
عندك حق آخر يوم مدرسة كان جامد اوي وهيسنا وفرحنا وودعنا بعض
وانا كمان عمري ما هانسى السنة لانها احلى سنة ف حياتي
وزعلانة جدا لاني هاستحمل كل الايام دي من غير اصحابي
بجد بجد الاصحاب نعمة

مهموهـــــــة يقول...

ربنا يوفقك وينجحك يا حبيبتي يا رب

و ما تقلقيش
مصر مليانة حاجات حلوة بردو
و لازم تحاولي انك تروحي اي لقاء مدونين في مصر و تروحي تتعرفي على ناس جديد و تفرحي بيهم و يفرحوا بيكم

خلي بالك من نفسك
و هتنوري مصر بجد

خالص حبي و تقديري

(ست* جنى* الحسن) يقول...

سلامو عليكو..
ربنا يوفقك وتنجح ان شاء الله انت وصحابك وعلى فكرة لما تنزل مصر هتلاقى صحاب جدعان برضو.
برجاء قبولى صديقة للمدونة

اميرات الاسرار يقول...

السلام عليكم

ربنا يوفقكم يارب

وعلى فكرة مدونتك جميله اوى
ياريت تشرفينا فى مدونتنا

مستنينك

اميرات الاسرار

كيــــــــــــارا يقول...

ربنا يوفقك ياقمر

وكلمى اصحابك وخليكي معاهم باي تواصل ولما تنزلي مصر اتعايشي معاها واعرفي ناس جديده

يااااااما هتقابلي ناس

محمود(باحث عن حب) يقول...

يارب بالتوفيق والنجاح
هكذا الدنيا تفرق
بين الاحباب والاصدقاء
اعانكى الله على الفراق

كلمات من نور يقول...

بالنجاح إن شاء الله والتوفيق وتيجي بالسلامه ...و بإذن الله ترجعي لاصحابك وحبايبك كلهم وتتجمعوا حتى ولو مش في فصل واحد هي حلاوة الدراسة الاصحاب الجدد مع الأصحاب القدام وتكبر الصحبة الحلوة .....يجعل صحبتك صحبة خير وحب لله دائما و أبدا.مصر حتنور يا قمر

غير معرف يقول...

ايميل يجعلك من اصحاب الملايين

بقلم الدكتور محسن الصفار

جلس سعيد أمام جهاز الكمبيوتر اللذي اشتراه حديثا وتعرف للتو على عالم الانترنت الواسع , اخذ يقرا بريده الالكتروني وأخذ يتفحص الرسائل الواحدة تلو الأخرى حتى وصل إلى رسالة باللغة الانجليزية عنوانها (شخصي وسري للغاية) فتح سعيد الرسالة وقرأ نصها فكان مضمونه أن المرسل هو ابن لرئيس أفريقي سابق خلع من السلطة وأن والده أودع مبلغاً وقدره 100 مليون دولار في أحد البنوك وأن الأسرة لا تستطيع استخراج المبلغ إلا عن طريق حساب مصرفي لشخص ثالث ويعرض مرسل الرسالة على سعيد أن يعطيه 40% من المبلغ أي 40 مليون دولار فقط إن كان هو مستعداً لتقبل هذا المبلغ على حسابه الشخصي. لم يعر سعيد أهمية كبيرة للرسالة في باديء الأمر ولكن الفكرة في امتلاك 40 مليون دولار دون أي جهد بدأت تحلو له شيئاً فشيئاً واخذ الطمع يتغلغل في نفسه , أرسل سعيد رسالة رد إلى المرسل وسأله: - هل هنك من مخاطر في هذه العملية؟ جاء الرد بسرعة: - لا لا أبداً ليس هناك من مخاطر أبداً أبداً ولكنك يجب ان تحافظ على السرية الكاملة ضمانا لنجاح العملية . ردّ سعيد على الرسالة: - هل من مصاريف يجب أن أدفعها؟ جاءه الرد: - لا لا أبداً فنحن نتكفل بكل شيء أرجوك يا سيدي ساعدنا وستصبح أنت أيضاً من أصحاب الملايين. من أصحاب الملايين!! كم هي جميلة هذه الكلمة وأخذ سعيد يحلم بأنه يسكن قصراً ويركب أفخم السيارات ويمتلك طائرة خاصة وو...... وفجأة وجد سعيد نفسه وقد أرسل رسالة فيها رقم حسابه المصرفي واسم البنك، وبعد يومين جاءه بريد الكتروني مرفقة به رسالة عليها أختام حكومية تفيد بأن وزارة المالية في ذلك البلد الأفريقي لا تمانع من تحويل المبلغ إلى حساب سعيد.... باقى القصة و المزيد من مقالات الدكتور محسن الصفار الهادفة الخفيفة الظل موجودة بالرابط التالى

www.ouregypt.us

و لا يفوتك الذهاب لمقالات ثقافة الهزيمة وصفحة من الشرق و الغرب بنفس الرابط و فيها الكثير من المقالات الجيدة.