فات الاوان





















على ما افتكرت

ان في انسانة ضحت

بحياتها عشانك

واجهت الحياة كلها بحبك

عملت المستحيل عشان تحافظ عليك

واما سبتها فضلت مستنياك

فضلت عيشة على امل لقاك

مرت بكل الظروف

لحد ما يأست

وجي دلواتي تقولها واحشتيني

كنت فين لما تعبت

كنت فين لما واقفت ضد العالم كلوا عشانك

دلواتي جي تقولها بحبك

خلاص فات الاوان

15 اللي سمعوني:

شمس النهار يقول...

ساعات كتير التوقيت بيبقا غلط

بيبقا توووووو ليت

:(

Ramy يقول...

صعب قوى

لما تحب حد و هو مش حاسس بيك

لما تحبه و هو مش شايف الحب دة

لما خلاص أنت تكون فقدت الأمل من تجاهله

و ساعتها بيكون هو موت الحب دة

صعب أن يحيا تانى

إلا فى حالات نادرة

تحياتى

زهرة يقول...

وقتها بقى .. بتحس إنك بتكرهه أووى

بتحصل كتير :)

تحياتى

شيرين سامي يقول...

حلوه أويييييييييييييي
تسلم ايديكي

انـــــــ حياتى ــــــــــت يقول...

جميل اوى تسلم ايديكى وبالتوفيق دائما تقبلى مرورى دمتى بخير

BNT ELISLAM يقول...

صعب اوى تضحى ويبقى المقابل الطرد من الحياه والحكم عليكى بنهايه
بس الاصعب انك ممكن تفكرى ونتى فى حالتك دى انك تستقبلى كلمه وحشتينى
الاصعب انك تفكرى فى عقاب وليس نهايه فى قصه اشتاق ورجع ممكن تكون غلط مش هو السبب فيها بس ولوو هو بس ياتى لو حطيت نفسى مكانه كنت هتصرف نفس تصرفه
امل حاجه لما نهدى انفسنا عشان نفكر صح ومظبوط ممكن فى لحظه قرار يخلينا نندم العمر كله
اسفه لاطاله
تقبلى مورى

mrmr يقول...

هو بالتاكيد احساس صعب
لكن مع الحب الانسان بيقدر ظروف الغير
وقد ايه ساعات بيبقى فيه ظروف اقوى من الانسان بيطر يبقى بعيد
لكن مع الندم والاعتذار والحب اللى مالى القلب بينسى ويسامح وكان شئ لم يكن

eng_semsem يقول...

يمكن صح فات الاوان على رجوعه لكن جه اوان ظهور انسان تاني في حياتي ومع موت حبك جوايا اتولد حب جديد لانسان تاني
تقبلي تحياتي

همسات وبحــ الحياه ــر يقول...

ايوة كدا قوليله ارحل
ياادم نحن لسنا بدميات تلهو بها وتتركها مادام دليك اخريات
:)

كلمات من نور يقول...

واقع مؤلم لما ييجي الشخص نادم بعد فوات الاوان

محمد التركى يقول...

السلامو عليكم

فات الاوان

يااااه تعرفى احساس غريب لما احب واللى احبه ولا هو هنا

فكرتينى باغنيه لخالد عجاج
اصعب حب


يسلمك قلمك واحساسك

تحياتى لقلبك الطيب

محمـــد التركـــى

جوجو يقول...

السلام عليكم
ازيك ياقمر وحشانى
بصى بقى اللى بيحب بيضحى والله اعلم بالظروف اللى خليته يبعد يعنى لازم تخلقى اعذار للشخص اللى قدامك مهما كان
وفى الاول وفى الاخر اللى انتى مقتنعة بيه وحاسة انه صح لازم تعمليه بس انا فعلا حاسة بيكى وعارفة انه احساس صعب قوى ربنا معاكى
تحياتى

ساسو يقول...

لا الحب فيه تسامح
واللي يحب لازم يقدر ظروف حبيبه
مش يحكم عليه حكم يقضي عليه

ربنا يفرح قلبك يا قمري

momken يقول...

الكلام حلو اوى
مع ان كلمه حلو دى مش مناسبه
الكلام مليان مرار وغضب

بس طالما عملتى ده كله علشانه سمحيه على غيابه

الى يعمل كل علشان حبيبه يقدر يعمل علشان اى شىء لانه اكيد مهم جدا فى حياته

استمتعت جدا بكلام
وارجو ان لا يكون فات الاوان


تحياتى

momken يقول...
أزال المؤلف هذا التعليق.