تحديث :كل سنة وانتوا طيبين + حوار مع نفسي



كل سنة وانتوا طيبين

ورمضان كريم

ويا رب يعود عليكم بالف صحة وسلامة

انا مشكلتي مع اخويا اتحلت

بس لسة باقي المشكلة الكبيرة وهيا مشكلتي مع نفسي

ادعولي انها تتحل يا رب






اعدت مع نفسي شوية

افكر في كل حاجة بتحصل حولية

اعدت افكر انا مين

ولا عيشة ليه

ولا حتى لمين

يمكن صحيح انا معنديش غير 16 سنة

لكن حسيت باحاسيس كتير

مختلفة ومتناقضة

كنت بحس بالفرح والحزن في نفس الثانية

بس مش عرفة ليه كان ديما الشعور بالحزن هوة الكان بيغلب

كاني كنت عيشة في مصارعة بحاول اني اساعد الفرح

بس لاسف كان الحزن اقوة مني

حياتي كانت كلها كئابة

واما كنت بتبسط كنت برده مكتئبة

لاني كنت خيفة ومستني اللحظة الهتنتهي فيها لحظة الفرح دي

لما سالت نفسي ايه هوة هدفي في الحياة

معرفتش اقول ايه

واما فكرت اني يكون ليا هدف

لقيت ان ممكن يكون هدفي الوحيد

اني ارضي ربنا واهلي

عشان لما اموت اكون ان شاء الله من اهل الجنة

واما فكرت في امنياتي

لقيت اني بتمنى حاجة بسيطة جدا

بس للاسف مش قدرة احققها

بتمنى اني اعيش حياة سعيدة

مقلتش انها تكون كلها سعادة لاني عرفة ان مش ممكن السعادة تدوم في اي مكان

بس سمعت ان كمان

كما تفنى السعادة تفنى الهموم

لكن للاسف انا عندي

تفنى السعادة ولا تفنى الهموم

نفسي اشوف يوم سعيد واهلي يحبوني

يكون ليا اصحاب بجد

يحبوني من قلبهم مش اكون بالنسبلهم استبن

وقت لما يكونوا مش لقيين حد اكون انا موجودة

نفسي ما انخدعش في الناس

يكون عندي ثقة في نفسي عشان اتحدى بيها الكون كله

انا لو مت محدش هيسال عني وان سالوا هيكون من باب تقدية واجب

محدش هيفتقدني زي ما انا مفتقدة كل حاجة

سعات بكون اعدة مع الناس

بيضحكوا وانا بضحك معاهم بس من جوايا حسة ان في حاجة مكسورة

واما فكرت شوية كمان لقيت ان انا احسن حاجة اعملها اني اعد لوحدي

ابعد عن الناس هوة دا المكان الوحيد المكن اكون فيه

واما سالت نفسي انت اتعلمتي ايه في الحياة؟؟؟

لقيت ان انا اتعلمت اني

معتمدش على حد في اي حاجة

اعمل الانا عيزاه لوحدي

اني مزعلش على حد دايقني او سبني

لان اكيد هوة الخسران

امسح دمعتي بادي

لان محدش هيخليني ادمع وبعدين يمسح دمعتي








10 اللي سمعوني:

محمود(باحث عن حب) يقول...

كلامك كبير على سنك
بس السن مش شرط كفايه القلب
ربنا يحافظ عليكى ويثبتك

أتنين حبيبين يقول...

حبيبتى

وحشتينى مووووووووت

مالك كلامك وجعنى اوووى
ربنا يفك كربك
ويبعد عنكى اى حزن ويكتبلك السعاده والهناء

معلهش كلنا بيمر علينا نفس الاحاسيس دى
ازمه وهتعدى

ياريت طمنينى عليكى

بحبك كتيرررررررررر

امووووواه

محمد التركى يقول...

السلامو عليكم

كلام كتير وحزن كبير
وهم أكبر بكتير
ليه كل ده
أنتى لسه سنك صغير جدا على الهموم دى كلها
متحمليش نفسك أكتر من طاقتها

ولا تضغطى على اعصابك
خدى الحياه بسلاسه
هوديها علشان تريحك ولاونها مش بتريح حد ابدا
ملعونه الدنيا

ربنا يبعد شرها عنك وعنا

أنا أول مره ليا فى مملكتك الجميله
عجبنى اسلوبك المتنوع فى كل موضوعاتك
أستمتعت كتير جدا

تقبلى مرورى الاول وليس الاخير

تحياتى لقلبك الجميل

محمد التركى

اميرات الاسرار يقول...

السلام عليكم

ايه كل الحزن دا برغم كل الحزن دا الا انك قدرتى تعبرى عن حاجات جوايا كتير ومكنتش عارفه اطلعها ازاى واكيد حاجات جوا ناس تانيه بس خليكى متفائله ومفيش حاجه تهزك مهما كانت وخلى عندك ثقة فى ربنا ثم فى نفسك هتكونى احسن ان شاء الله

بجد احييكى مدونتك شكلها جميل اوى

دمتى بخير ياقمر

ساسو يقول...

وحشتيني موووووت يا حبيبتي
كلامك وجع قلبي جدا
مالك بس
ربنا يبعد عنك الحزن والضيق
ويفرح قلبك دايما

كل سنه وانتي بخير
رمضان كريم

romansy يقول...

كل عام وانت الى الله أقرب
ولفعل الطاعات أسبق
وإلى الجنة أرغب
رمضان كريم

mrmr يقول...

حبيبه قلبى
انت لسه صغيره قوى على الكلام الكبير ده
انت عملتى ايه فى الدنيا
مشوارك لسه كبير كبير
بتقولى مش محتاجه حد يمسح دمعتك
احب اقولك لا لما تكبرى ح تعرفى انك اكيد ح تحتاجى لشخص يمسح دموعك
استهدى بالله علشان يرفع عنك حاله الحزن والكأبه

كل سنه وانتى طيبه
رمضان كريم
اول زياره ليا ومش ح تكون الاخيره
ربنا يحافظ عليكى

أتنين حبيبين يقول...

كل سنه وانتى طيبه ياقلبى
ربنا يسعدك يارب ويوفقك ورمضان كريم عليكى وعلى الامة الاسلاميه جمعاء

ومبسوطه انك بقيتى كويسه مع اخوكى ربنا يعنيك على نفسك ويكتب ليكى كل الخير
ربنا يقويكى ويحميكى يارب من كل شر
خلى بالك من نفسك

وحشتينى اوووووووووووووووووووووى

لـــولا وزهـــراء يقول...

كل سنة وانتم بخير وسعادة
لولا

just waiting يقول...

كل سنة وانتي طيبة ويارب كل مشاكلك تتحل
تعرفي انا كمان وانا عندي 16 سنة كنت بحس زيك كدا
ومع الايام اكتشفت حاجات كتير مش كنت فاهماها من تصرفات بابا وماما وعارفة حتى لو هما بعيد عنك كوني واثقة انهم بيحبوكي بس بطريقتهم اما بالنسبة للهدف والتخبط وانك مش عارفة عايزة ايه دا كمان عادي جدا انك تمري بيه
لانك في وقت قراراتك هتحدد مستقبلك كله بعد كدا
خدي بالك من نفسك ومش تتسرعي في اي قرار تاخديه
واعرفي ان لسه هتشوفي كتير قوي في الدنيا وهتتعلمي اكتر
اموااااااااااه بوسة كبيرة بقى واضحكي وحبي الدنيا وخلي الزعل للحاجة الكبيرة اللي محتاجة زعل بجد