I need you




ليه كل ما احب حد يسبني ويروح

ليه مينفعش اعيش مع الناس البحبهم

ومضطرة في الاخر اني ااقلم نفسي مع ناس مش بحبهم

ناس للاسف هما سبب حزني

والناس البيسعدوني كلهم بيسبوني ويروحوا

ياترى المشكلة بتكون فيا ولا فيهم؟؟؟

ولا في القدر الكاتبلنا الفراق؟؟؟

(احساس فظيع ان الروحك فيه يضيع والشتريتوا في يوم يبيع واتوه ويا السنين
فتح عنيك تتلم احزانك عليك تتهد احلامك فوئيك وتقسمك نصين )
بجد فعلا بيكون صعب

يا ترى مكتوب عليا الموت في وسط الناس دي

ولا القدر زي ما كتب علينا الفراق

هيكتبلنا كمان القاء

مع ناس اتعلمت منهم كل حاجة

اتعلمت ازاي احب غيري

اتعلمت ازاي اتعامل مع الحياة والناس

واتعلمت حجات كتييييير

بس للاسف معلمونيش ازاي اتغلب على فراقهم

و بعد ما سبوني

بقى في عندي جرح كبير ومبقتش اقدر انفذ حاجة من الاتعلمتها

روحي راحت معاهم عيشة جسد بلا روح

(علمني ازاي احب وازاي علشانوا اعيش لكن اني انسى حبو دي المعلمهنيش
عايش على ذكرايات الوقت ما نسنيش ودي ماسات حياتي المبتنتهيش )

ومش باقي قدامي غير الذكرى والاوقات الحلوة الكنا بنقضيها مع بعض

والدمعة

وحشتوني يا اغلى شيء في حياتي



19 اللي سمعوني:

هوبتي يقول...

ان لقيتي ايجابه عن اي حاجه علي دول قولي ليا لان انا عن نفسي مش لاقيه ايجابه

كيــــــــــــارا يقول...

المشكله ان دايما واقعين في عذاب والم الفراق

مش عارفه ازايي نتحمله او نتاقلم عليه

مين عالم يمكن مكتوب انكم تتجمعوا تاني

mrmr يقول...

هى دى الدنيا يا حبى
متستغربيش ولا تزعلى ابدا
كل شئ لازم يكون ليه تضاد
حزن وفرح
الم وسعاده
فراق ولقاء
خير وشر
بس المهم اننا نقدر نتغلب على كل شئ مؤلم يحاوطنا او يغلبنا وان نكون اقوياء

قبلاتى وابتسماتى

مجرد فتاة يقول...

ايه يا بنتي دة ..
هدي نفسك شوية ..
كل حاجة في الدنيا بتتغير .. عشان كدة هتلاقي الناس اللي حواليكي بيتغيروا كتير .. شوية تبقي مع ناس حباهم .. وشوية مع ناس مش طايقاهم ..
عادي يعني ..
تحياتي

بــــ الخطاب ــن يقول...

I need you

كلمة محتاجين نقولها كلنا ياترى انتوا فين وعاملين ايه فى فراقنا تعبانين زينا ولا عايشين حياتكم ولا على بالكم همنا

ربنا يكتبلك اللقاء مع من تحبين إن شاء الله
أنتى وكل المحرومين

تحياتى

ساسو يقول...

هي كده الحياه
علشان تدوقي الفرح
لازم تعدي علي الحزن
بس صدقيني الحزن مشيستمر
يوم هتلاقيه حزين
اليوم التاني هتلاقي سعاده الكون محوطاكي
بس انتي بقي اتغلبي علي حزنك
مش تديه فرصه انه يتغلب عليكي
وخلي عندك أمل في بكره
وثقه في ربنا
وانتي هتلاقي حياتك اتحولت
من العذاب للراحه
من الخيانه للاخلاص
من الفراق لللقا

ربنا يسعد قلبك يا جميله

الحب الجميل يقول...

ربنا معاكى
يارب

محمود(باحث عن حب) يقول...

ربنا يسعد قلبك
ويقرب البعيد
اكرمكى الله

شمس النهار يقول...

ان شاء الله هيجي يوم

وهتقبلي ناس يستهلوكي وتستهليهم
ويحبوكي وتحبيهم

ومايحصلش فراااق ابدا

تحياتي

Ramy يقول...

ليه كده

وجعتى قلبى بجد

ربنا يجمعك مع اللى بتحبيهم

و ميطولش الفراق أن شاء الله

ربنا معاكى و يوفقك

أتنين حبيبين يقول...

ربنا معاكى حبيبتى

للاسف هو ده الواقع اللى عايشين فيه

قلبى معاكى

الصبر طيب واكيد الخير قريب

واحنا جنبك اهلك واخواتك ولا مش كفايه

ياريت تخلى بالك من نفسك

وطمنينى عليكى

بحبك كتيرررررررررررررررررر

توتا

جوجو يقول...

السلام عليكم
طبعا الاغنية بتاعة حماقى دى جميلة جدا وفعلا احساسك اللى انتى حساه ده صعب قوى انا كمان حساه والله بس اتحداكى لو حد عرف يرد ع الاسئلة دى
وحشانى ياقمر
تحياتى

غير معرف يقول...

يا ... تيييت ...
وجعتي قلبي انا كمان .. واحمدي ربك .. في اجابات كتييييير اوي..
جايز يكون فراقنا احسن لينا ..
جايز يكون وجودنا مع بعض ميخليناش كدة ..
جايز يكون فراقنا هو اللي هيحافظ علينا مع بعض
جايز يكون الفراق عشان يخليكي متخزنيش في ذاكرتك غير الحاجات الحلوة بس
و جايز يكون الفراق عشان يحسسك بقيمة الشىء/الشخص
ووووو جايز كتيييير .. بس يبقى ف الاخر كل شيء خييييييير

تــــــــاء

roro يقول...

والله مش فارقه
صدقينى فعلا لان حتى اللى انتى بتحبيهم زحمه الحياه هاتخليهم بعد كده قاسيين عليكى وتكرهيههم او هاتمليهم
ده لغز والله
اعملى لنفسك عالم تفرحى فيه وتسعدى فيه لاننا فى زمن للاسف ...........زمش عارفه اوصفها لانها بشعه
ربنا معاكى

عاشقه وبدوب ف حبيبي يقول...

هى الدنيا كده مبتدناش كل حاجه ومبتخدش كل حاجه ربنا يفرح قلبك ويهدي سرك ويبعد عنك الحزن والهم واى حاجة تزعلك فكرى ف بكرة وبأذن الله هيبقى احلى تقبلى مرورى....منه

غير معرف يقول...

ثقافة الهزيمة.. أسكندرية ...ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

باقى المقال ضمن مقالات ثقافة الهزيمة بالرابط التالى www.ouregypt.us

mena يقول...

ايه ياقمر عامله ايه دلوقتى يارب تكونى فكيتى وروقتى كده والغمه انزاحت يارب اسمع عنك اخبار كويسه قريب ابقى طمنينى عليكى .....منه

محمود(باحث عن حب) يقول...

السلام عليكم
هو صحيح انا عملت بوست جديد بعد موضوع الطفله براءه
ولم يحدث رابطى عند اى حد من اللى ضايفين مدونتى
حتى انا ضايف رابط مدونتى ومظهرش الموضوع الجديد فى التحديث خالص
شلت الموضوع بكل تعليقاته ونزلته تانى برضوا مظهرش الموضوع الجديد
ارجوا المساعده
http://bahesanhob.blogspot.com/

هــــرشـــة دمــــــاااااااااااغ 3mR Wa2el يقول...

ساعات الواحد فينا لما يبعد عن حد فترة او بيحس بفراقه يحس ان الدنيا مش هتعدي و ان الحياة و القاهرة و الناس بقتت ممله بس صدقيني دي فترة ف الاول و هتعدي