قصة حب



بنوتة اسمها ملك عندها 16 سنة تفتكروا ده صغيرة ولا كبيرة ؟ما عليناعاشت اجمل قصة حب في حيتها لما كان
عندها 12 حبت ابن عمها

يمكن لحد اما تمت 15 سنة كانت فكرة انوا مجرد اعجاب

مكنتش بتشوفه غير شهرين او 3 اشهر في السنة

لانها كانت عيشة في مصر وهوة عايش برة

ديما كانت بتحلم بيه

لما تمت الخامسة عشر كانت بتحبه حب جنون

كانت ديما نفسها تشوفه واما نزل في الصيف كانت بتكون في اسعد ساعات حيتها الكام ساعة الكانت بتشوفوا فيهم

كانت مغرمة بيه

مرة اشترله هدية وكانت سعيدة جدا وهية بتقدمهاله كانت بمنسبة التخرج

وفي كل منسبة من منسبات البتحصلوا زي درجات علية اول مرتب وعيد ميلاد او شغل .........

كانت بتشتري هدية بيكون نفسها تهديهالوا بس مبتقدرش

كانت بتكتب جوبات غرامية وتقول كل النفسها تقولوا كانت بتكتب جوبات طويلة شوية

مكنش بتحس بسعادتها غير لما بتكون معاه

وكانت لما تكلمه على الايميل بتكون الفرحة مش سعياها

تخيلوا بقى لما بتشوفوا بتكون عملة ازاي

وفي مرة كتبت جواب بعد ما سافر وقالت
فيه:

يا حبيبي يا كل ما ليه في الدنيا انت لو تعرف انا بحبك اد ايه

انا مبقيتش متخيلة اني خلاص مش هشوفك تاني لفتر طويلة وهرجع اشوفك تاني بس في الصور

بعد ما كنت واحشني وما صدقت اني هشوفك خلاص على الطبيعة

انا حسة ان كل ده حلم واني هصحة منه اشوفك قدامي واقف وبتقولي انا بحبك وقولك وانا كمان

انا برتاح لما بشوفك وبحس ان روحي رجعتلي تاني انا من غيرك مش عيشة او يمكن عيشة جشم من غير روح

انا بتنفس بنفسمك وبرتاح برحتك وحبك عندي اغلا من الدنيا وما فيها

لما بتبصلي بحس اني سعيدة واما تبتسم في وشي بحس ان الدنيا مش سيعاني من الفرحة

تخيل بقى لما بتتكلم معيا بحس اني طيرة في السما واما بنلعب ونهزر ونضحك كلنا

ببقى نفسي اجيلك في وسط الناس كلها واقولك انا بحبك بحبك بحبك

ولما سالوني ايه اكتر موقف بتحبي تفيكريه كان نفسي اقولهم كل المواقف البتحصل معاك

عشان بحب افتكر كل الايام الحلوة الكنت موجود فيها معايا عشان هية ده الحاجة البقيالي ولانك احلى حاجة في دنيتي

ولما جيت اكتب امنياتي كان نفسي اقول اني نفسي اتجوزك كان نفسي العالم كلوا يعرف اني بحبك حب جنون

بحبك حب عمرك ما هتلاقي حد في الكون حبهولك انا بخاف عليك من كل حاجة

ولما بيقولولك مش هتتجوز بكون مضغاظة جدا انهم عيزين يجوزوك وانا بحبك

انا بغير عليك من كل حاجة ولو تصدقني انا بحبك اكتر من حب ممتك ليك

تعرف لما بيتكلموا عن الجواز لازم افكر في جوزنا وفرحنا انت ديما في بالي وفي فكري عمرك ما رحت من خيالي

وكل البعملوا في الدنيا ده عشانك انت وبجد نفسي تقدر الحب الانا بقدمهولك على طبق من ذهب

اقبله ويريت تبادلني حب ادوه او حتى اقل منه بحبك بحبك

ولما بشوفك في اعدة فيها بنات ببقى حسة ان دمي بيغلي

انا بيتهيقلي اننا لما نتجوز ان شاء الله هقعدك في البيت وانا الهشتغل ههههههههههههه بحبك بحبك بحبك.

ايه رايكم في الكلام الجميل ده؟

ما علينا نكمل

وفي مرة اتجننت وطبعت صورته كانت مغمرة جميلة وديما كانت بتتقمل فيها

كان هوة كل حاجة في دنيتها

كان نفسها تتجوزوا ويعيشوا مع بعض احلى حياة لما يكبروا

هوة صحيح كان في فرق بينهم 7 سنين بس هية كانت حباه بجد وبعدين كانت فكرة ان سبع سنين ده مش كتير هما كتير؟

وكانت مخصصة دفتر مخصوص عشان تكتب فيه كل النفسها فيه عنه وكان عملة شنطة شيلة فيها كل الهدايا الجيبهالو ا

ولحد دلواتي هية عيسشة في الحياة ده تفتكروا البتنت ده ممكن يكون ايه مصرها ما تكبر ؟

انا بيتهيقلي انها ممكن تحصلها مشاكل كتير

ده قصة انا مالفاها من خيالي هيا فيها شوية حجات تاليف وشوية حقيقة

انا لقيت كل الناس بتالف قصص قلت اجرب حظي يمكن اعجبكم ويبقالي مستقبل جميل

قولوا رايكم بصراحة وانتقضوا برحتكم انا بحب النقض

27 اللي سمعوني:

7annen يقول...

ايه نظام التعليقات محجوبه ولا ايه ؟؟؟

7annen يقول...

ياحلولى يا حلولى وانا اووووووول تعليق

مبروووك عليا

لوللووووووووى

7annen يقول...

قصه حلوه اوى يعنى كتجربه نقدر نقول جيده

اقرى كتيييييير ووسعى خيالك اكتر

هتلاقى كمان احسن من كدا

فى حفظ الله ياقمر

حنين

دموع القمر يقول...

اعتبر نفسى تااانى تعليق

عند حبيبة قلبى

قصة جمييلة خالص

كالعادة

اسلوبك حلو خالص ومش معقد

ربنا يوفقك

تحياتى لكى

آه من قلبي يقول...

قصة حلوة أوي
بالنسبة لأول قصة
دة أنا أول قصة لي كانت زي ما يكون متجمعة من الزبالة
:)

زى الهوا يقول...

بصى انا مش مشجعة انها توهم نفسها بيه

المفروض تدى لنفسها فرصة تحب غيره

فى الدنيا كلها مافيش اوحش ولا اصعب من الحب من طرف واحد

بس انا حضرت قصة شبيه بدى على فكرة

واحدة صحبتى كانت بتحب ابن عمها من صغرها برده , وهوه ماكانش شايفها اصلا , كان بيحب بنت عمو التانى , وفعلا خطب البنت التانية دى , وكانت صحبتى دى بتجيى تحكيلى وهيه بتتمنالهم السعادة , مع نبرة حقد فى صوتها

وشاء القدر انه يفسخ خطبته بقريبته دى , واخد باله ان صحبتى بتحبه , وخطبها وعاشت احسن فترة خطوبة واتجوزوا ومعاهم بنوته سكرررررررررره دلوقتى

حسن حنفى يقول...

اعتقد انها اما تكبر وتجي تتجوز هتكون لسه بتفكر فيه ومش قابله غيره ويمكن هو اما يتجوز حد غيرها تتعب هي نفسيا جداا

كلام من قلبي يقول...

حنين :
انا اصلا مش من هواياتي المتابة بس انا لقيت ان الحكاية ده منتشرة فقلت اعرف ايه الهيجرة بعد كدة

كلام من قلبي يقول...

دموع القمر:
شكرا على المجاملة

كلام من قلبي يقول...

اه من قلبي :
انت قصصك اكيد حتى ولو لاول مرة بس هيا فعلا احلى

كلام من قلبي يقول...

زي الهوا:
شكرا على زيارتك تنفع تكملة للقصة بتعتي

كلام من قلبي يقول...

حسن حنفي:
انا فعلا هوة ده التوقعتوا وقلتهولها بس مفيش فيدة مصرة نحبه

لنحيا فى اجواء الحب يقول...

دمتى مبدعة


قصة لطيفة فيها رقة طفلة جميلة

كل سنة وانتى طيبة

منى سلام مصرى دائما

ندا منير يقول...

القصة جميلة ومفيهاش نقد خالص

والحب ملوش وقت ولا سن بيجى فى غمضة عين

شاب فقرى يقول...

عارفة

انا اول مرة الاقى خطاب بالجمال دا

عجبنى اوى الجواب اللى هى كاتباه

وعلى فكرة سبع سنين مش كتير ولا حاجة
والمفروض فعلا يكون بين الشاب والبنت اللى هيرتبط بيها سبع سنين فعلا

دا انسب فرق
لا اكتر ولا اقل

وبالنسبة للبنت اما تكبر لازم تقوله وتعبرله انها بتحبه من دلوقتى عشان ميبصش برا ولا شمال ولا يمين

وبالنسبة لو دى قصة فهى جميلة لكن ينقصها كام حاجة هقولهم لك

أول حاجة :
الحبكة الدرامية
يعنى تفاصيل الحب واللقاء والكلام دا كله مهم فى القصة
ثانيا :
نهاية القصة مفتوحة ( انا بفضل كدا على فكرة ) بس فى حالة قصتك دى لازم يبقى فى نهاية مينفعش هى تفضل تحبه للابد وهوا مش هنا ومش متجوز
لازم يكون فى نهاية ولو حتى الفراق لانه هيبقى بدايه لحاجات تانية

ثالثا :
ينقصك تحددى هتكتبى ازاى وترسمى خط سير القصة من قبل ما تكتبيها

عجبتانى جدا

واكيد هاجى لك تانى

ان شاء الله بكره هبدأ فى كتابة السلسة الفقرية ...أتمنى تنورينا بكره بليل

تحياتى

شاب فقرى
:)

كلام من قلبي يقول...

لنحيا في اجواء الحب:
وانت طيبة نورتي المدونة بزيارتك

كلام من قلبي يقول...

ندى منير:
مرسي لرفع معنوياتي ونظرية ببردو

كلام من قلبي يقول...

شاب فقير :
انا فعلا اكتر حاجة عجباني هوة الجواب
لكن تبقى وحشة في حق البنت انها تعبر للولد عن حبها بصراحة دي قلة ادب اسفة يعني

*البت المشمشية *حلوة بس شقية * يقول...

غريب البوست ده شوية
انا مش بشجع اى بنت انها تصرح بحبها
لانهها بتكسر حتة الحياء قدام الولد
والفرق سبع سنين حلو جدا جدا

اقصوصه يقول...

اممم

حلوه القصه

لو كان الحب من الطرفين

يعني..ساعتها نتوقع ان حياتهم

بتكون سعيده وبيرتبطون ببعض

لو الله كتب لهم فعلا

بس لو كان من طرف واحد

فاكيد

بتواجهها مشاكل كثيره في المستقبل

قصه حلوه :)

the giving river يقول...

ازيك عامله ايه معلش اتاخرت والله بس كنت تعبان والله العظيم متزعليش منى
وبجد القصه حلوه اوى وعجبتنى اووووى والله وتسلم ايدك بجد
ومستنى تعليقك على البوست الجديد بتاعى اوك
تحياتى محمد

شمس النهار يقول...

كل سنه وانت طيبه

بالنسبه للقصه هي بريئه وجميله والخطاب تلقائي وطفولي

القصه لطيفه وبتتكرر كتير
في السن ده
بس انت كتبتيها بعفويه جميله

Aaya يقول...

السلام عليكم ورحمة الله وبركاته

عيد فطر سعيد
ويعيده على الأمة الإسلامية بخير دايما

...

بالنسبة لأول مرة فالقصة جميلة
بس أنا يتهيء لي ان البنت اللي
في القصة بتحب الشخص ده حب جنون عشان أول تجربه ليها وبيبقى صعب على
أي شخص انه ينسى اول حب حبه وخاصة
لما بيكون الحب من الطرفين...

ده رأيي بس مش متأكدة انه صح

.....

ملحوظة:
مدونتك شكلها جميل وباين عليكي
بنوتة رائعة
معلشي طولت عليكي في الرد

....

أختك في الله : آية

آية مش هنا يقول...

انا قلت أدخل أسلم بس


أزيك يا قطتي

;)

rona يقول...

بداية موفقه المهم بالنسبة للقصة أعتقد ان السن عادى بيختلف من شخص لأخر المهم العقل بس المهم متعش فى وهم وأحنا كدا مش عارفين الشخص التانى احساسه ايه لو حسه ان فى من الطرف التانى حب ماشى مفيش خلاص ان شاء الله تلاقى الافضل وهيا صغيره

عاشقة الأحزان يقول...

بخخخخخخخخخخخ
انا جيت اهو

ازيك ياقمر اخبارك ايه يارب تكونى بخير
وحشتينى وبجد معلهش متاخرة عنك لظروف غصب عنى

بجد القصه جميله قووى وبجد اتأثرت بيها
ربنا يكرمك يارب ويوفقك

مودتى

جوجو يقول...

السلام عليكم
القصة حلوة بس انتى اتكلمتى عن حبها هى لابن عمها بس الاهم انه يكون بيبادلها نفس الشعور ولا ايه؟
عموما بداية مبشرة
تحاياتى